كيف يشتغل؟
ثلاث خطوات، وتبدأ من اليوم.
اطبع الملصقات
من شاشة «نداء الطاولة» تطبع ملصقًا لكل طاولة برقمها، وتثبّته على الطاولة.
الزبون يمسح ويطلب
بكاميرا جواله، بدون تطبيق وبدون تسجيل. يضغط الزر أو يكتب طلبه في سطر.
الموظف يرد
الطلب يرن على الشاشة برقم الطاولة. يضغط «جاي» ثم «تم»، والزبون يشوف الحالة على جواله.
كل اللي تحتاجه للصالة
مصمم لمطاعم وكافيهات الجلسات.
شاشة وحدة عند الكاشير
تشتغل على أي جوال أو آيباد أو كمبيوتر. بطاقة لكل نداء برقم الطاولة وعدّاد الوقت، وتتحول أحمر لو تأخر الرد.
أزرار تسمّيها أنت
حتى 4 أزرار بالعربي والإنجليزي، ومعها خانة «طلب آخر» يكتب فيها الزبون طلبه.
بهوية محلك
شعارك وألوانك وصورة من محلك في خلفية صفحة الزبون.
قيّمنا على قوقل
زر التقييم وحساباتك في التواصل تحت النداء، ويبرز بعد ما تتم الخدمة.
بدون إزعاج
النداء ينقبل فقط والشاشة مفتوحة، مع مهلة بين الطلبات وحد لكل طاولة، والموظف يقدر يكتم طاولة.
ملصقات جاهزة
اطبعها من المتصفح مباشرة، لكل طاولة رمزها. الاشتراك لاحقًا ما يحتاج إعادة طباعة.
الأسعار
شهريًا قبل الضريبة، والسنوي بسعر 10 أشهر.
| الحالة | السعر |
|---|---|
| نداء الطاولة لحاله، لكل فرع | 39 ر.س شهريًا |
| عندك البيجر الرقمي | 29 ر.س شهريًا |
| Menu Pro أو Menu Pay أو ولاء Premium | مشمول بدون رسوم |
| ولاء Growth | واحد مشمول باختيارك: البيجر أو نداء الطاولة، والثاني 29 ر.س |
تشترك بنفسك من الشاشة بالبطاقة، ويتفعّل الاشتراك تلقائيًا.
أسئلة شائعة
هل يحتاج الزبون تطبيق؟
لا. يمسح الرمز بكاميرا الجوال وتفتح له الصفحة مباشرة، بدون تطبيق وبدون تسجيل.
وش أحتاج من أجهزة؟
ولا شي جديد. شاشة النداء تفتح على أي جوال أو آيباد أو كمبيوتر عندك، والملصقات تطبعها على ورق لاصق.
لو أحد صوّر الملصق وأرسل طلبات من برا المحل؟
النداء ينقبل فقط وشاشة الموظف مفتوحة، وفيه مهلة بين الطلبات وحد لكل طاولة، والموظف يقدر يكتم أي طاولة 30 دقيقة.
وش الفرق بينه وبين البيجر الرقمي؟
البيجر للاستلام من الكاونتر: ننبّه الزبون لما يجهز طلبه. نداء الطاولة للجلسات: الزبون على طاولته وينادي الموظف. وتقدر تشغّل الاثنين.
عندي أكثر من فرع؟
حاليًا رمز واحد وشاشة واحدة لكل حساب، ودعم الفروع قادم.